Shirika la Habari la Ahlul-Bayt (a.s) - ABNA - Katika Kitabu cha Nahjul Balagha, ambacho ni mkusanyiko wa hotuba, barua na maneno ya hekima ya Imam Ali (a.s), kuna rejea nyingi za moja kwa moja na zisizo za moja kwa moja kwa Hadithi za Mtume Muhammad (s.a.w.W). Rejea hizi zinaonyesha uhusiano wa karibu kati ya Imam Ali (a.s) na Mtume (s.a.w.w), pamoja na nafasi ya Sunna katika maisha na mafundisho ya Imam Ali (a.s).
Aina za Hadithi za Mtume (s.a.w.w) katika Kitabu cha Nahjul Balagha
-
Rejea za moja kwa moja (Nukuu):
Imam Ali (a.s) amenukuu maneno ya Mtume Muhammad (s.a.w.w) moja kwa moja katika hotuba zake. Kwa Mfano:
“ Yeyote atakayenisingizia mimi uongo kwa makusudi basi ajiandalie makazi yake kuwa ni motoni.” -
Rejea kwa Sunna (desturi ya Mtume - s.a.w.w -):
Katika baadhi ya matamko yake, Imam Ali (a.s) hutaja Sunna ya Mtume (s.a.w.w) kama rejea ya kuongoza maamuzi au hukumu, hasa katika siasa na uadilifu wa kijamii. -
Marejeo ya kifasihi (maudhui ya kipekee):
Wakati mwingine Imam Ali (a.s) anatumia maneno au mafundisho yanayofanana na Hadithi za Mtume (s.a.w.w) bila kumtaja moja kwa moja, lakini yaliyomo ni sambamba kabisa na mafundisho ya Mtume (s.a.w.w).
Umuhimu na Majukumu ya Hadithi za Mtume (s.a.w.w) ndani ya Nahjul Balagha
-
Kufundisha na kuhimiza uongofu: Imam Ali (a.s) alitumia hadithi kumhimiza mtu kuishi kwa maadili mema.
-
Ufafanuzi wa Qur'an: Hadithi za Mtume (s.a.w.w) zilitumika kuelezea maana ya kina ya baadhi ya Aya.
-
Uthibitisho wa hoja: Katika mijadala au kupinga batili, Imam Ali (a.s) alimnukuu Mtume (s.a.w.w) kwa lengo la kutoa hoja yenye nguvu.
-
Kuthibitisha msimamo wa haki: Rejea za Mtume (s.a.w.w) zilithibitisha kwamba msimamo wa Imam Ali (a.s) ulikuwa ni muendelezo wa njia ya Mtume(s.a.w.w).
Kwa ujumla, hadithi za Mtume (s.a.w.w) ndani ya Nahjul Balagha zinaonyesha jinsi Imam Ali (a.s) alivyoendeleza njia ya Mtume (s.a.w.w) katika uongozi, uadilifu, ibada na siasa.
Your Comment